💫 ‎*دعوت* *اسلامی* *میں* *خواتین* *کا* *حصہ* ‏💫

دعوت اسلامی میں خواتین کاحصہ


✨حاصل مطالعہ ✨

     ✍🏻جویریہ ترنم 


مصنف : مولانا سید ابوالاعلی مودودی 

اسے تین حصوں میں تقسیم کیا گیا ہے ۔ 
👈🏻 مولانا کی تقریر 
👈🏻 ہدایات 
👈🏻 سوالات و جوابات 

🔹 مولانا کی تقریر : 
          یہ تقریر مولانا نے ٹونک کے اجتماع میں خواتین کے روبرو فرماٸ تھی ۔ 
اسمیں انھوں نے خوشی کا اظہار کیا کیونکہ خواتین میں اسلامی تحریک مقبول ہورہی ہے اور خواتین نے دعوت کو پھیلانے کا حلقہ منظم کر لیا ہے ۔ 
مولانا نے کہا ہے کہ دعوت کے کاموں اور تعاون میں جتنی مردوں کی ضرورت ہے اتنی ہی عورتوں کی ہے ۔ جس طرح گاڑی کے دو پہیوں میں سے ایک پہیہ ساتھ نہ دے تو گاڑی نہیں چل سکتی ۔ اسی طرح انسان کی اجتماعی زندگی کا نظام بھی ٹھیک نہیں چل سکتا جب تک کہ مردوں کے ساتھ عورتیں بھی برابر کا حصہ نہ لیں ۔
اسلام جس خدا کی بندگی کی طرف بلاتا ہے وہ عورتوں اور مردوں کے لیۓ ہے ۔ خدا کی خوشنودی کی کوشش جس نے کی وہ نجات پاگیا ۔ اسلیۓ اسلام کا تقاضا یہ ہے کہ عورتوں اور مردوں کو اپنی اپنی نجات کی فکر ہو ۔ 
تاریخ کی مثالیں دے کر مولانا نے یہ بتایا کہ ابتدا ہی سے جس طرح اس تحریک میں مردوں نے حصہ لیا عورتوں نے بھی برابر کا حصہ لیا ۔ 
نبیﷺ پر سب سے پہلے ایمان لانے والی خاتون ، سب مسلمانوں کی ماں حضرت خدیجہ جنھوں نے بار نبوت میں حضور کو تسلی دی ، دس سال تک ہر قسم کی سختی میں حضور کی رفیق بنی رہی ۔ 
مکہ میں کفار کے ہاتھوں ظلم سہنے میں اگر بلال ؓ ، عمار ؓ ، جیسے مرد تھے تو ام عمارہ اور زنیرہ جیسی عورتیں بھی تھیں ۔ اس طرح مدینے میں انصار کے مردوں کے ساتھ ساتھ عورتوں نے بھی حصہ لیا ۔ جنگ کے موقع پر ام عمارہ نے زخمیوں کو پانی پلانے کی ذمہ داری انجام دی ۔ 
اسی طرح عورتوں نے دین کی خاطر ظلم بھی سہے ، خطرات مول لیۓ ، جان و مال کی قربانیاں بھی دی ، اعزإ و اقربا کو چھوڑا ، جلا وطنی اور فقر و فاقہ کی تکلیفیں بھی اٹھاٸیں اور اپنے ایماندار باپوں ، شوہروں اور بھاٸیوں کے ساتھ وفاداری کا حق بھی ادا کیا ۔ 

*عورتوں* *کے* *کرنے* *کے* *کام* : 
      اپنے گھروں اور خاندانوں کو شرک و جاہلیت سے پاک کرکے اسلامی بناٸیں ۔ اپنی اولاد کو اسلام پر اٹھاٸیں ، مردوں کو راہ راست پر لانے کی کوشش کریں ۔ 
عورت کو سب سے بڑی مشکل اس وقت پیش آتی ہے جب وہ خود راہ حق پر چلے مگر مرد اس کی راہ میں مزاحم ہوتے ہیں ۔ یہ بڑی مشکل صورت حال ہے لیکن اس حد تک نہیں پہنچتی جس حد تک زمانہ جاہلیت میں عورتو ں کی پوزیشن تھی ۔ 
⚡حضرت خدیجہؓ کے خاندان کے زیادہ تر لوگ اسلام کے سخت دشمن تھے اس کے باوجود وہ حضور ﷺ کی رفاقت اور پشت پناہی کرتی رہیں ۔ 
⚡ام سلمی اسلام کی خاطر گھر بار اور خاندان کو چھوڑ کر حبش کی طرف ہجرت کر گٸ ۔ 
⚡ حضرت فاطمہ بنت خطاب اسلام کی خاطر  اپنے بھاٸ کی زیادتی سہ کر ایمان پر ڈٹی رہی اور اپنے بھاٸ کے اسلام قبول کرنے کی وجہ بنی ۔ 
یہ ہے سچے اور مسلمان عورتوں کے اوصاف ۔ اگر آپ کو اپنی  نجات درکار ہے تو یہی اوصاف اپنے اندر پیدا کرنے ہونگے ۔ 
کوٸ بھی رشتہ خدا اور رسول سے بڑھ کر نہیں ہے ۔ 

🔹 ہدایات : 
لاہور کے اجتماع میں مولانا نے خواتین کو چند ہدایات دی تھی ۔ 
پہلی ہدایت یہ ہے کہ جو کچھ کیجیۓ ان حدود اور ذمہ داریوں کو ملحوظ رکھتے ہوۓ اور جو اسلام نے آپ کے لیۓ مقرر کیۓ ہیں ۔ 
ایک مسلمان کی اصلی ذمہ داری اسکی اپنی ذات پر ہے ۔ سب سے پہلے اپنے خاندان کی طرف توجہ دیں ، انھیں اسلام سمجھاٸیں ، گھروں کو ہر قسم کی جاہلیت سے پاک کریں اور اسلام سے روشناس کراٸیں ۔ 
جوان لڑکیاں اپنے حدود میں رہ کر تبلیغ و اشاعت کریں اور اصلاح کرے ۔ 

🔹 سوالات و جوابات : 
 سوالات کے جوابات دیتے ہوۓ مولانا نے کہا ہے کہ تبلیغ کے لیۓ کوٸ مصنوعی طریقہ اختیار کرنے کی ضرورت نہیں ہے ۔ اگر آدمی زبان اور قلم سے دوسروں کو سمجھانے اور نصیحت کرنے کی کوشش کرے تو وہ مفید ہوسکتی ہے ۔ 
سنیما سے متعلق جواب میں مصنف نے فرمایا ہے کہ سنیما دیکھنا کسی حد تک بھی جاٸز نہیں ہے ۔ 
پردہ کے تعلق سے کہا ہے کہ ضرورت کے وقت برقع پہن کر گھر سے باہر نکلنا درست ہے ۔ لیکن شوق اور رنگ کے ریشمی برقعے جو آج کل راٸج ہے انکا استعمال درست نہیں ۔ 
ضرورت پڑنے پر مرد سے بات کرنے میں آواز میں لوچ نہ ہو ۔ 
تعویز گنڈے ، میلاد میں شرکت اور شادی بیاہ میں ناچ گانے کے تعلق سے واضح طور پر مولانا نے خواتین کی اصلاح کی ۔

تبصرے

ایک تبصرہ شائع کریں

اس بلاگ سے مقبول پوسٹس

🌷شادی کا رقعہ🌷

تصویر
🌷 شادی کا رقعہ 🌷 مریم جمیلہ ✍🏻  جالنہ 🏡     آخرکار ہماری شادی کے رقعے تیار ہو ہی گئے سارے کاموں کو پیچھے ڈال کر ہم پچھلے ایک مہینے سے اس کی تیاری میں لگے تھے رقعے کا میٹر بنانے میں ہمیں بڑے پاپڑ بیلنے پڑے افراد خانہ سے مفید و مضر مشورے سن سن کر ہمارے کان پک نہیں گئے بلکہ بری طرح گل گئے تھے۔۔۔بس کیا کہے ہم جیسے تیسے ان تیار شدہ رقعوں کو لےکر گھر آئیں۔۔۔دعوتیوں کی لمبی فہرست پہلے ہی تیار کر رکھی تھی ہم چار بھائیوں نے اسے آپس میں تقسیم کر لیا اور جو فہرست میرے حصے میں آئی اسے دیکھ کر میں سخت برہم ہوا۔۔"بھائی جان آپ نے یہ عزیز چاچا کا نام میری فہرست میں کیوں ڈال دئیے۔۔میں نہیں جاؤنگا ان کے یہاں رقعہ لے کرمجھے اپنی حجامت نہیں کروانی۔۔۔۔"عزیز من شادی تو آپ نے کرنی ہے نا اور یہ سفر تو بڑا طویل اور کٹھن ہے شروعات ایسے ہی کٹھن مرحلوں سے ہوا کرتی ہے بھئی ہم کیوں اپنے ہی ہاتھوں خود ہی کی شامت بلوائے۔۔ہماری خود کی شادی میں ہم ہی گئے تھے ان کے یہاں رقعہ لے کر اب تمہیں ہی جانا ہوگا۔۔۔ بھائی جان یہ آپ اچھا نہیں کر رہے میں آپ کا چھوٹا بھائی ہوں نا پلیز چلیں جائیں ا...
مزید پڑھیں

حاصل مطالعہ خطبا ت حصہ اول( حقیقت ایمان)

تصویر
حاصل مطالعہ  خطبا ت  حصہ اول حقیقت ایمان فوزیہ بیگم صاحبہ ✍🏻           مولانا مودودی کی تحریر گویا کہ ایک سمندر کے مانند ہیں جس میں غوطہ لگاو اور خزانہ پاؤں  اس سمندر میں میں کمزور غوطہ خور نے  غوطہ لگایا اور جو پایا وہ پیش خدمت ہے  شکر الحمدللہ کہ اللہ نے مجھے امت محمدیہ میں پیدا کیا,اور مجھے دین اسلام نصیب ہوا. اب مجھ پر لازم ہو گیا کہ میں اللہ تعالی کے احسان کا حق ادا کرو, اور اس کا راستہ ہے کہ میں محمد صلی اللہ علیہ وسلم کی مکمل پیروں بنوں  یعنی مکمل مسلمان اب میں مکمل مسلمان کیسے بن سکتی ہو؟ مسلمان بننے کے لئے سب سے اہم پہلا قدم اس طرح ہے ⁦1️⃣⁩مسلمان: یعنی وہ انسان نہیں جو مسلمان کے پیٹ پیدا ہوجائے. مسلمان کسی نسل کا نام نہیں بلکہ اس نعمت کو حاصل کرنے مجھے محنت کرنی ہوگی تو وہ مجھے حاصل ہوگی , ورنہ مسلمان کے گھر پیدا ہونے پر بھی وہ مجھ سے چھینی جا سکتی ہے ⁦2️⃣⁩اسلام لانا: یعنی صرف زبان سے کہنے سے کام نہیں چلے گا بلکہ آپ صلی اللہ علیہ وسلم کی تعلیم سمجھے اور اس پر عمل کرے تب کہیں گے اسلام لانا اور سچا مسلمان بننا ⁦3️⃣⁩...
مزید پڑھیں

بناؤ ‏اور ‏بگاڑ ‏

تصویر
💫 *بناٶ* *اور* *بگاڑ* 💫 ⭐ حاصل مطالعہ ⭐ ✍🏻 فردا ارحم   مصنف :  مولانا سید ابو الاعلی مودودی  یہ کتاب مولانا کی ایک تقریر ہے جو 10 مٸ 1947 کو دارالاسلام کے جلسہ عام میں کی گٸ تھی ۔ جس میں دو ہزار مسلمانوں کے علاوہ دو سو ہندو اور سکھ حضرات بھی شریک تھے ۔  مولانا نے خدا کی تعریف میں کہا ہے کہ تعریف اور شکر اس خدا کے لیۓ ہے جس نے ہمیں پیدا کیا ، عقل اور سمجھ بوجھ عطا کی ، برے اور بھلے کی تمیز بخشی ، ہماری ہدایت اور رہنماٸ کے لیۓ اپنے بہترین بندوں کو بھیجا ۔ جنھوں نے انسانی زندگی کے اصل مقصد سے آگاہ کیا اور وہ اصول بتاۓ جن پر چل کر دنیا میں سکھ اور آخرت میں نجات پا سکتے ہیں ۔  مصنف حاضرین سے مخاطب ہو کر کہ رہے ہیں کہ  یہ دنیا جس خدا نے بناٸ ہے اور جس نے اس زمین کا فرش بچھا کر اس پر انسانوں کو بسایا ہے وہ کوٸ اندھا دھند ، الل ٹپ کام کرنے والا خدا نہیں ہے ۔ اس کی نگری اندھیر نگری نہیں ہے ۔ وہ اپنے مستقل قانون ، پختہ ظابطے اور مضبوط قاعدے رکھتا ہے جن کے مطابق وہ سارے جہاں پر خداٸ کر رہا ہے ۔  اس کے قانون سے جس طرح سورج ، چاند ، زمین ، تارے ، ہوا ، پانی ، د...
مزید پڑھیں